Tis juwıp atırǵanda suwdı qanday tejew kerek?

11.11.2023

Tislerimizdi tazalap atırǵanda kran buraǵıshtı jawıp qoyıwımız suwdı tejew jumıslarına onshelli úlken úles qospaytuǵınday túyiliwi múmkin, biraq siz hár sapar tislerińizdi juwıp atırǵanda buraǵıshtıń suw aǵıwın aqılǵa uǵras shólkemlestiriw arqalı 64 stakan taza ishimlik suwın únemlewińiz múmkinligin bilesiz be? Suw sheklengen resurs bolıp tabıladı. EPA maǵlıwmatlarına kóre, suw resursları planetamızdıń 70 procent aymaǵın iyelegen bolsa da, sonnan 1 procentten azıraǵın isletiw múmkin. Bunnan tısqarı, xalqımızdıń ósip barıwı ámeldegi suw muǵdarınıń da kóbeyiwine sebep bolmaydı hám sol sebepli de suw jáne de sheklengen bolıp baradı. Sol sebepli kúndelikli turmısta suwdı tejew jolların tabıw júdá áhmiyetli bolıp tabıladı. Sonday ápiwayı usıllardan biri tislerińizdi juwıwda suw sarpın kemeyttiriw!

 Suwdı tejew tek ǵana planetamız ushın, bálki finansqa da paydalı bolıp tabıladı. Suwdı isletiwdi azayttırıw onı jámiyet hám qorshaǵan ortalıqqa qaytarıwǵa járdem beredi, sol sebepli suw tólemin azaytadı. Eger siz qala suwı emes, bálki qudıq támiynatında bolsańız, tejew jolındaǵı háreketińiz suw kólemin saqlap qalıwǵa járdem beredi.

 Tislerińizdi juwıwda suwdı tejewdiń bes ápiwayı usılı:

1. Suwdan tek tislerińizdi shayıw ushın paydalanıń: Siz isley alatuǵın eń ápiwayı zat ne? Tislerińizdi juwıp atırǵanda suwdı óshiriw! Eger siz suwdı aǵıp turǵan halda qaldırsańız, hár sapar tislerińizdi tazalaǵanıńızda tórt gallonǵa shekem (shama menen 15 litr) suw isletiwińiz múmkin. Kúnine eki márte tis tazalaw hám siz kúnine segiz gallon, hár ay 200 gallon hám jılına 2400 gallon suwdı ısırap qılasız. Buraǵıshtı tek tis chyotkańızdı suwlaw ushın ashıń (yamasa onı ulıwma izǵarlamań), keyin juwıp bolıp onı qayta qosıń. Bul háreketti orınlaw arqalı siz tislerińizdi tazalaw processinde qorshaǵan ortalıqqa járdem bergen bolasız!

2. Stakannan paydalanıń: Eger siz qolıńızdan stakan ornında paydalanatuǵın bolsańız, ózińizdi hám suw támiynatın qáwip astına qoyasız. Qolıńızda siz ushın qáwip tuwdırıwı múmkin bolǵan mikroblar bolıwı múmkin, sonıń menen birge qolıńızdan to'gilgen suw ısırap bolıwı múmkin. Stakannan paydalanıw arqalı siz suwdı tejew jolında úlken qádem qoyǵan bolasız.

3. Buraǵıshtan túsken suwdıń barlıǵınan paydalanıń: Geyde tislerimizdi chyotkalaǵanda, biz hátte qıyalımızǵa da keltirmeytuǵın suwdı ısırap etemiz, mısalı, suwdı jıllı yamasa suwıq temperaturaǵa alıp kelgenimizde. Suwdı tejew boyınsha máslahátlerden biri bul suw temperaturası ózgergenge shekem de onı toplap, isletiw, ósimliklerge quyılıw yamasa ishiw ushın muzlatqıshta saqlaw bolıp tabıladı. Bul hádden tısqarı mayda usıl bolıp ko'rinse de, suwdı tejew ideyası bul jańa ádetti qáliplestiriwge arzıydı.

4. Aǵım bar-joǵın tekseriń: Tislerińizdi chyotkalaw - bul kran yamasa onıń astındaǵı trubalar islegende suw aǵıp shıǵıwına múmkinshilik beredi me yamasa joq ekenligin tekseriw ushın ájayıp waqıt. EPA maǵlıwmatlarına kóre, úy xojalıqlarında suw aǵımı pútkil mámleket boylap derlik 900 milliard gallon suwdı ısırap etiwi múmkin - sol sebepli siziń kranıńızdan kúnine aǵıp atırǵan bir neshe tamshı suw hár jılı júzlegen gallon suwdı ısırap etiwi múmkin. Eger siz krandı óshirgenińizden keyin de tamshılardı sezseńiz, onı remontlawıńız kerek.

 5. Santexnikańızdı jańalań: Úyińizdegi eski kranlardı jańalaw, suw  sarpına qolaylaw kran basları menen almastırıw jaqsı pikir. Plumbing Manufacturers International kommerciyalıq bolmaǵan shólkeminiń maǵlıwmatlarına kóre, WaterSense sertifikatına iye zamanagóy kranlar EPA tárepinen belgilengen suw natiyjeliligi hám islew kriteryalarına juwap beredi, sol sebepli eger siz jańa kran alıwdı oylaǵan bolsańız, onıń belgili jarlıǵına itibar beriń.

 Ulıwma alǵanda, tıs juwıw biz eń kóp suw sarıplaytuǵın processlerden biri bolıp tabıladı jáne onı optimallastırıw arqalı suwdı tejew planeta aldındaǵı social juwapkershiligimiz bolıp tabıladı.