14.11.2023
“Tashkent teńizi” adamlardı nesi menen ózine tartadı?
Tashkent qalasınan 30 km uzaqlıqta jaylasqan, xalıq tilinde “Tashkent teńizi” dep atalıwshı, rásmiy atı bolsa “Tuyabo‘g‘iz” suw bazası bolǵan bul suw obiekti gúz máwsiminde de óz kórki menen adamlardı ózine tartıp kelmekte.
Biz “Tashkent teńizi”ndegi processlerdi foto kameraǵa jaylastırdıq.
Ohangaron dáryası esabınan toltırılıwshı suw bazası 1962-jılda qurılǵan. Maydanı 20 km²tı quraytuǵın obiekt Tashkent wálayatınıń Oqqo'rg'on, Tómengi Chirchiq, Bo'ka rayonlarındaǵı jawınnan suw ishetuǵın jerlerge suw jetkizip beredi. 2019 -jılda bul jerde “Tuyabo‘g‘iz” GESi qurılıp, paydalanıwǵa tapsırıldı.
Jaǵa boylarında dem alıw orınları qurılǵan bolıp, házirde máwsim juwmaqlanǵanı ushın olar jabıq. Suw bazası aymaǵında házirde balıq awı baslanǵan. Bul jerde balıqshı quslar da kóp ushıraydı, olar adamlar menen birge aw qıladı.
Usı jıl jaz máwsiminde “Tashkent teńizi” negizinde eskek esiw bazası ashılǵan bolıp, házirde bul bazada onlap sportshılar shuǵıllanadı. Bazanıń jaǵaları kórinisi máwsimge qaray ózgerip turadı. “Tashkent teńizi”niń áhmiyetli táreplerin keyingi jıllar dawamında joǵaltpaw, saqlap qalıw hám onıń qáwipsizligine mudamı itibarda bolıwǵa shaqıramız.
Murodbek Yusupov
Foto
