14.11.2023
Suw ornına shıǵındı aǵıp atırǵan tariyxıy Kaykovus salması
Tashkent qalasınıń Olmazor rayonı Chorsu bazarına jaqın bolǵan Hasti Imom máhállesinen aǵıp ótetuǵın Kaykovus salmasınıń videorolikleri sociallıq tarmaqlarda keń tarqaldı. Biraq baqlawlarımızǵa qaraǵanda, bul aymaq videokadrlardaǵıday shıraylı kóriniske iye emes. Suw joq ekenligi sebepli bul salma búgingi kúnde qurıp qalǵan.
VI - VII ásirlerde Bo'zsuv kanalı úlkenlestirilip, onnan Kaykovus salması shıǵarılǵan hám Qoraqamish tikjarlıǵına shekem jetkizilgen. Salmanıń uzınlıǵı 5.12 kmdi quraydı. Bul aymaqtıń házirgi jaǵdayı ashınarlı bolıp, turaq jay hám úylerdiń nadurıs rekonstrukciyası nátiyjesinde hám jergilikli xalıq tárepinen shıǵındılardı belgilenbegen orınǵa taslanıwı artınan suwsız háwiz túbinde shıǵındılar kórinip turadı.
Kaykovus salmasınıń bir ǵana Hasti Imom tariyxıy imaratı jaylasqan aymaǵı bálkim sayaxatshılıq obiekti esaplanǵanlıǵı sebepli taza kóriniske iye. Biraq belgili salmanıń ulıwma kórinisi, súwretten de kóringenindey, bul aymaq bólek qarawǵa mútáj ekenligin kórsetip tur.
Murod Yusupov
Foto
