14.11.2023
Sırdáryadaǵı kishi kól — Sultanhovuz
Sultanhovuz Sırdárya wálayatı Boyovut rayonında jaylasqan kóllerden biri bolıp, áyyemgi Sırdárya ózeni qurıp qalıwı nátiyjesinde kól aymaǵı yarım ay formasındaǵı kóriniske kelgen. Onıń jaǵalarınıń yarımı tikjarlarǵa tutasıp ketedi.
Kól tiykarınan jer astı suwları esabına toladı, uzınlıǵı 5 km, tereńligi bolsa ortasha 2-3 metrdi quraydı. Ol túrli mawsimlerde ózgerip turatuǵın qamıslıq aymaqları hám jabayı tábiyatı hám balıq awlawshılardı ózine tartıwı menen ajralıp turadı. Báhár mawsimi keliwi menen bul jerde qustıń onlap túrin ushıratıw múmkin, olardıń kóbisi máwsimlik qus bolıp tabıladı.
Bul jerde jabayı úyrekler, haqqus, qarabay, úlken qızılayaq, láylek sıyaqlılar, haywanlardan jabayı qoyan, terili haywanlar (ondatra hám nutriya), shaǵal sıyaqlı mayda sút emiziwshilerdi ushıratıw múmkin.
Kóldegi suw kólemi máwsimge qaray ózgerip turadı. Bul jerde hár túrli balıqlar, sonıń menen birge, máwsimlik quslar awlanadı. Kólge jaqın máhállelerde jasawshı xalıq úy-qurılısında hám úylerdiń tóbesin jabıw ushın kólden alınǵan qamıslardan paydalanadı, sharwa malları, atlar batpaqlıq hám jaylaw aymaqlarında baǵıladı.
Murodbek Yusupov
Foto
