12.11.2023
Chirchiq dáryası — itibarsızlıǵımızdıń náwbettegi jábirleniwshisi
Saǵaları Tyanshan tawlarınan baslanıwshı Chirchiq dáryası óziniń tınıq suwı menen áyyemde at shıǵarıp kelgen. Bul noqat ótken ásirden baslap sanaat rawajlanıwı, turaq jay qurılısı tezlesiwi artınan házirge kelip insan faktorı nátiyjesinde júz beriwi kútilip atırǵan náwbettegi iri ekologiyalıq baxıtsızlıqlardan biriniń jábirleniwshisi esaplanadı.
Chirchiq dáryası Tashkent qalası hám wálayatı xalqınıń tiykarǵı suw deregi esaplanadı. Dárya búgingi kúnde sanaat aǵın suwı, dárya ózeninen nızamǵa qarsı paydalanıw (qum, maydalanǵan tas qazıp alıwda), xojalıq shıǵındılar taslanıwı artınan kórkin joǵaltqan.
Dáryanıń Sırǵalı rayonı aymaǵınan aǵıp ótetuǵın bóleginde shıǵındı úyimi tóplanǵan, bul jerden jedel tárizde maydalanǵan tas qazıp alıw onıń zıyanlanıwına alıp kelmekte. Bunnan tısqarı, iri sanaat kárxanalarınıń dárya jaǵası aymaǵı janında jaylasıwın hesh qanday aqlap bolmaytuǵın is júrgiziw dep esaplaw múmkin.
Chirchiq dáryasınıń Qoylıq bazarı aymaǵınan ótken ayırım aymaqlarında da shıǵındılar bar ekenligi xalıq arasında suw hám oǵan bolǵan múnásibet ayanıshlı jaǵdayda ekenligin taǵı bir ret tastıyıqlaytuǵınday.
Murodbek Yusupov
Foto
