26.02.2024
Miyras: awıl xojalıǵında jerlerdi suwǵarıwdıń eski sisteması
Ózbekstanda suwǵarılatuǵın jerlerdiń ulıwma maydanı shama menen 4,5 million gektardı quraydı. Bul jerlerdiń úlken bóleginde eski usılda suwǵarıw qollanılıp atır.
Jurtımızda xalqıń úlken bólegi awıllarda jasaydı. Olardıń kúndelik turmısında dıyxanshılıq áhmiyetli orın tutqanı ushın da suwdan paydalanıwda revolyuciya qılıw waqtı kelgeni, suw azayıp barıwı nátiyjesinde júzege keletuǵın máseleler sheńberinen bir neshe usınıslardı ilgeri surdik.
1. Irrigaciya infrastrukturasın modernizaciyalaw: Húkimet irrigaciya sistemaların jańalaw hám modernizaciyalaw, atap aytqanda, kanallardı qayta tiklew, jańa suw háwizlerin qurıw hám nátiyjeli suw bólistiriw tarmaqların ornatıwǵa qarjı kirgiziwi kerek;
2. Tamshılatıp suwǵarıwdı engiziw: Suwdiń tiykarsız jumsalıwın minimallastırıw hám eginlerge suw bólistiriwin jaqsılaw maqsetinde málim aymaqlarda tamshılatıp suwǵarıw sistemaları engizilgen. Bul usıl suwdan paydalanıw nátiyjeliligin asırıwǵa hám ulıwma suw sarpın kemeytiwge úlken járdem beredi.
3. Suwdı tejewshi texnologiyalardı engiziw: Suwdan paydalanıwdı optimallastırıw hám suwǵarıw waqtında suw joǵatılıwın kemeytiw ushın jerdi lazer menen tegislew hám anıq suwǵarıw sıyaqlı suwdı tejeytuǵın túrli texnologiyalar qollanılıwı kerek.
Modernizaciya etilgen suwǵarıw sisteması ǵamxorlıǵında atızlar ózgerip baradı hám de eski usıldıń unamsız aqıbetleri tawsıladı. Fermerler innovaciyalar hám turaqlı ámeliyatlarǵa itibar qaratıwǵa kóbirek pát beriwi kerek, bul ónimdarlıq hám paydanıń jáne de asıwına alıp keledi.
Murodbek Yusupov
Foto
