26.02.2024
Mırzashóldiń rawajlanıwǵa erisiwinde zárúrli áhmiyetke iye suw imaratı - Qubla Mırzashól kanalı
Bir waqıtları Orta Aziyanıń qaq orayında Mırzashól dep atalǵan taqir jer bolǵan. Burınǵı awqam dáwirinde Sırdárya dáryasınan suw tartılıp, jańa suw baǵdarı qurıldı.
Qubla Mırzashól kanalı Jizzaq hám Sırdárya qalaların júdá zárúr suw menen támiyinlep, xalıqtıń mútájligin qandırdı hám átiraptaǵı dıyxanshılıq jerlerin azıqlandırdı. Bir waqıtları taqir bolǵan landshaftlardı ónimli atızlarǵa aylandırıwda kanal zárúrli áhmiyetke iye boldı. Házirde kanal ulıwma muǵdarda 350 mıń gektarǵa jaqın jerlerdi suwǵaradı.
Farhod gidrouzelinen baslanıwshı kanaldıń uzınlıǵı 127 km bolıp, dáslepki ret 1957-1962-jıllar dawamından qurıp pitkerilgen, kanalda 80 nen artıq gidrotexnikalıq imaratlar bar.
Jaqın jıllar dawamında kanal aymaǵı janınan Sırdárya Íssılıq Elektrostanciyasınıń qarama-qarsı tárepinen ACWA power hám basqa sırt el kompaniyaları qurdırıp atırǵan “SYRDARYA GRES” qurılıs jumısları ámelge asırılıp atır. Bul ıssılıq elektro stanciyası suwdı Qubla Mırzashól kanalınan alıwdı jobalastırmaqta.
Murodbek Yusupov
Foto
