13.11.2023
Amu-Zang kanalınan qanday maqsette paydalanıladı?
Amu-Zang kanalı, Amu-Zang mashina kanalı — Surxandárya wálayatındaǵı suwǵarıw kanalı.
Ol Ámiwdáryanıń oń jaǵasınan, Surxandáryanıń quyılıw jerinen 16 km joqarıdan suw aladı. Ámiwdárya suwın Zang gidrouzeli joqarı b'efina kóterip beredi. 1973-jılda qurılǵan. Uzınlıǵı 56 km, suw ótkeriw imkaniyatı 20 m³/s. Suwdı maksimal kóterip beriw biyikligi 77 m (eki basqıshta). Kanal quramına eki birdey tiptegi nasos stanciyaları kiredi. Amu-Zang 1- nasos stanciyası suwdı dáryadan 500 m uzınlıqtaǵı támiyinleytuǵın kanal arqalı aladı, kóteriw biyikligi 33 m, 16 nasos agregatı ornatılǵan, ulıwma quwatı 10 mıń kvt; Amu-Zang 2- nasos stanciyasınıń suwdı kóterip beriw biyikligi 44 m, quwatı 12,8 mıń kvt.
Amu-Zang kanalı iske túsiriliwi Surxandárya wálayatınıń qublasında Zang magistral kanalınan suwǵarılatuǵın 20 mıń gektar jerdi Ámiwdárya suwı menen suwǵarıw múmkinshiligin jarattı. Yaǵnıy kanal Ámiwdáryadan suw alıp, Surxandárya oazisiniń qubla bóleginde jaylasqan Jarqorǵan, Angor, Termiz, Muzrabad rayonlarındaǵı egin maydanların suw menen támiyinleydi.
Javhar Chorshanbiyeva
Foto
